Ийм нэгэн явдал

Цастай өвөл мөстэй өвөл
Цан хүүрэг жавартай өвөл гэж Монголд минь сайхан хүйтэн өвөл болж байна өө. Би гэдэг хүн хүйтнээр нь далимдуулаад гэрээсээ ч гарахгүй, номын санд сууж хийх асар их төлөвлөгөөгөө хойш нь тавьчихаад л сайхан байна. Ирэхийн өмнөх хэдэн өдөр орчуулга хийгээд явж байхад хүмүүс хэлж байлаа. Монгол хичнээн гоё болсон тухай, барилга байгууламжууд хэрхэн нэмэгдэж байгаа тухай. Үнэхээр сайхан сайхан байшин барилгууд үйлчилгээний төвүүд шинээр нээгджээ. Хотын өнгө үзэмжид жаахан ч гэсэн нэмэр болж харагдах ч бас бус зүйлүүд байнаа. Ялангуяа орон сууцны барилгууд. Байшингаа барьсан бол боллоо гэсэн шиг гадаад тохижуулалт хийгдээгүй бүр байг гэхэд ядаж барилгынхаа үлдэгдэл хог новшийг ч болсон цэвэрлэдэг байгаа даа. Хэд хэдэн иймэрхүү зүйл харагдав.
Үйлчилгээ, хүмүүсийн харьцааны хувьд бол бүх л зүйл бахь байдгаараа. Гэхдээ сайн зүйл ч бас байсаан байсан. 3,4-р хороололд байрлал Бэнэттон дэлгүүр лав зүгээр санагдав. Худалдагч нар нь ч гэсэн хөөрхөн ааштай, эелдэг үйлчилгээтэй залуучууд байсан. Хуучин Зочин бууз гэж нэртэй хоолны газар байсандаа өөрчлөгдөөд Зочин зоогийн газар болж. Үйлчилгээ бол таалагдсан ч хоолны чанар бас тийм ч сайн байсангүй. Намайг хамгийн их нервтүүлсэн зүйл нь бас л өнөөх төрийн үйлчилгээний систем. Би чинь хорин тав хүрээд иргэний үнэмлэхээ сунгуулаагүй явсан хүн. Ирсэн дээрээ гээд очлоо. Хаалгаар шагайвуу үгүй юу л цаад самбар дээр байгаатайгаа танилц гэж зандрах маягаар дуугарлаа. Солонгост бол бичиг баримтаа бүрэн бариад оччихсон байхад л өөрсдөө хамаг юмаа бүрдүүлж хийгээд мөнгөө авч баримт хийж өгөөд гаргана. Гэтэл ийм юм тийм юм бүрдүүлэх гээд хэдэн тийшээ гүйх бас тийм ч их таатай байсангүй. Ялангуяа мэдэхгүй зүйлээ асуухаар өөдөөс нэг тийм айхтар харцаар харж дуртай дургүй дуугарах, эсвэл тэрнээс асуу гээд хөөж гаргах нь үнэхээр гайхмаар.
Ингэж явсаар материалаа бүрдүүлээд очтол өнөөдөр материал хүлээж авдаггүй өдөр гээд өөдөөс загнав. Яагаад гэтэл дотоод ажилтай гэнэ. Тэрийгээ ядаж хүнд харагдахаар бичээд наачихгүй гэсэн чинь цаад цагийн хувиараа хараач гэж загнаж байх юм. Ажлын цагаар хүмүүсийн цагийн хуваарь шалгаад явж байх хэрэгтэй гэж үү? Маргааш нь материалаа бүрдүүлээд орлоо. Харин яг материал хүлээж авдаг хоёр хүүхэн нь хаа холдож дажгүй харьцаатай, хүмүүсийн дутуу орхигдуулсан зүйлсийг нэг бүрчлэн тайлбарлаж өгч ажлаа хийж байх нь таалагдав. Гэтэл өчигдөрийн олон юм яриад байсан залуу бас л орж ирсэнээ цээж зураг хараад энэ чинийх юмуу, яасан өөр гарсан юм бэ? гэх мэтийн хэрэггүй дэл сул үгсээ чулуудаастай. Өөрийн ажил биш л бол ажлын цагаар тийм дэмий юм хийж өрөө хэсч явах хэрэггүй л баймаар санагдсан.